• BALLINA
• OFERTA
• REFERENCAT
• KUSH JEMI
• KONTAKTI
• PARTNERËT
• PUNËSIMI

Teknologija

Kujdes të madh i kushtojmë standardeve programuese, të cilat janë të njëjta për të gjithë ndërmarrjen dhe janë të bëra në atë mënyrë që të mundësojnë produktivitet të jashtëzakonshëm të programuesit.

Si mjet themelor përdorim Visual Fox 8.0, i cili nëpërmes OLE-DB dhe/ose ODBC ka akses si datotekave vetanake DBF, ashtu edhe bazave të të dhënave Informix dhe MS SQL. Në proces është adaptimi i ambientit për bazën e të dhënave Oracle, ndërkohë që jemi duke përgatitur edhe përkrahjen për bazën e të dhënave DB2.

Me rëndësi të veçantë është qasja DBF datotekave që mundëson përdorimin e përkohshëm të versionit final të programit nga ana e klientëve të mëdhenj apo vetëm plotësimin e tabelave ende pa e blerë serverin gjegjës për bazën e të dhënave.

Kjo mundëson zhvendosjen shumëmujore të investimeve në pajisjet kompjuterike, gjë që është me rëndësi duke marrë parasysh zhvillimin jashtëzakonisht të shpejtë në këtë lëmi.

Në anën tjetër, softuerin e njëjtë mund ta përdorin edhe klientët më të vegjël të cilët nuk posedojnë bazë relacionale të të dhënave.

Përveç teknologjisë klasike dyshtresore (sistemi informativ i prodhimtarisë dhe komerciala) shumica e programeve të tjera janë të shkruara në teknologjinë trishtresore (kontabiliteti në tërësi).

Arkitektura e zgjidhjeve trishtresore

Arkitektura është implementuar nëpërmjet pakos zhvillimore të Microsoft-it “Visual Developer Studio”. Baza është realizuar me ndihmën e mjetit VisualFoxPro (VFP).

N1 - klienti – lokal, në esencë vetëm paraqitja dhe verifikimet elementare, interaksioni me shfrytëzuesin. Zakonisht janë klientë të realizuar në VFP. Në këtë mënyrë ngarkesa e rrjetit është më e vogël ndërsa mbrojtja më e mirë.

N2 - logjika afariste – Serveri MTS, thelbi i aplikacionit, lidhja me të dhënat në N3, seleksioni i të dhënave, dërgimi në N1, verifikimi para regjistrimit, regjistrimi i të dhënave.

N2a -- Serveri i rrjetit për interaksion me N1, i cili punon me shfletues të rëndomtë të rrjetit.

N3 - baza e të dhënave – Server i të dhënave, përcjellja e detyrave më të rënda në N2, regjistrimi i të dhënave, mirëmbajtja e konzistencës së bazës, përpunimet më të ndërlikuara të të dhënave.

Ndërmjet N1 dhe N2 nevojitet lidhja TCP/IP. Trafiku kufizohet aq sa është e mundur. Poashtu është e mundur të përdoret Interneti për ndërlidhje. Lidhja N2-N3 në esencë është më intensive dhe prandaj kërkon lidhje më efikase. Nivelet N2 dhe N3 tek shfrytëzuesit me më pak kërkesa mund të shkojnë edhe në serverin e njëjtë.

Në këtë mënyrë, teknologjia ka avantazhe thelbësore ndaj teknologjive të tjera të klientëve të hollë (terminal serverët, Citrix meta frame sistemet dhe të ngjajshme). Përparësitë para së gjithash janë këto dhe vijnë në shprehje tek sistemet më të mëdha me më tepër se 50 stacione të punës:

• shfrytëzueshmëria më e mirë i stacioneve të punës e me këtë aplikacioni përdor më pak resurse të serverit
• administrim më i thjeshtë dhe siguri më e madhe e sistemit
• gjatë kalimit në aplikacionin rrjetor, niveli i dytë dhe i tretë ngelin të pandryshuar, gjë që reflektohet në impenjim thelbësisht më të vogël gjatë riprogramimit të aplikacionit
• funksionaliteti standard dhe ai rrjetor mund të kombinohen në mënyrë fare të thjeshtë
• kompatibilitet dhe mundësi i kombinimit me .NET teknologjinë

Arkitektura e përshkruar ka mbështetje në standarde (modeli objektor, procedurat...), gjë që mundëson zhvillim të shpejtë dhe pamje uniforme të zgjidhjeve përfundimtare.

Me shtimin e serverit rrjetor është i mundshëm punimi i funksioneve, nëse porositësi e kërkon, në arkitekturën katërshtresore, ku si klient përdoret shfletuesi i Internetit.

Serveri i të dhënave

Implementimi i serverit të të dhënave në N3 është i pavarur nga pjesa tjetër e sistemit aplikativ. Kjo do të thotë se mund të përdorim sisteme të ndryshme për menaxhimin e të dhënave (MS-SQL, Informix, Oracle...). Në këtë mënyrë sistemi aplikativ është i pavarur nga aspekti fizik i bazës së të dhënave (DBMS, sasia e të dhënave, numri i disqeve, numri i serverëve...). Në fazën zhvilluese, sistemi poashtu mund të punojë me përdorimin e bazës së të dhënave të VFP (DBF).

Komunikimet kryhen me përdorimin e sistemeve standarde për qasje të dhënave (ADO, OLEDB, ODBC).

Mbrojtja

Qasja bazës së të dhënave është e mundësuar vetëm nëpërmes shtresës së logjikës afariste (N2), kështu që niveli N3 është i mbrojtur nga shfrytëzuesit e tjerë të sistemit. Klientët e hollë, të realizuar në VFP sigurojnë mundësi më të vogël të keqpërdorimit të sistemit.
Tanki klijenti realizovani u VFP osiguravaju manju mogućnost zloupotrebe sistema.

Vetë arkitektura e zgjidhjes programore, përveç mundësive sistemore të mbrojtjes, ofrojnë edhe:

• shfrytëzues dhe grupe në nivel të aplikacionit
• kontrollin e identifikimit të shfrytëzuesve nëpërmes fjalëkalimit, kufizime kohore...
• privilegje të përdorimit për çdo funksion në aplikacion, në nivel të grupeve dhe/ose shfrytëzuesve
• privilegje të përdorimit për veprimet themelore në kuadër të funksioneve në nivel të grupeve dhe/ose të shfrytëzuesve
  
  

Qasja hierarkike të të dhënave

Në vetë thelbin e standardit është parashikuar një sistem i veçantë për kontrollimin hierarkik të qasjes në të dhënat. Shfrytëzuesit ndahen në një skemë të organizuar në formë të degëzuar dhe u caktohen shifra të veçanta. Te të dhënat, ato shifra regjistrohen krahas informatave konkrete. Shfrytëzuesit kanë të drejtë t’u qasen të dhënave të cilat bartin shifrën e degës së tyre.
Psh.

Ambienti i shfrytëzuesit

Me përdorimin e standardeve sigurojmë pamje dhe funksionalitet uniform të të gjitha aplikacioneve të zhvilluara. Standardet janë konform këshillave të cilat Mikrosofti i promovon nëpërmjet mjeteve zhvilluese Visual Studio.

Zhvillimi

Zhvillimi i zgjidhjeve aplikative bëhet sipas metodologjisë standarde, e cila parashikon fazat e modelimit të sistemit, vendosjen e bazës së të dhënave, zhvillimin e zgjidhjeve programore, testimin dhe dokumentimin, implementimin e zgjidhjes.

Përmbajtja

Për shfrytëzuesit, nga aspekti teknik gjithmonë më e rëndësishmja është përmbajtja e aplikacionit. Meqenëse si ndërmarrje punojmë tash 13 vjet, e zemra e firmës i ka edhe 5 vjet të tjera të përvojës paraprake në punimin e aplikacioneve në PC platformë, programet e caktuara nëpër gjithë historinë tonë i kemi zhvilluar më tepër se tri herë në teknologji të ndryshme. Jemi të vetëdijshëm se një sistem aq i përkryer teknikisht nuk do të thotë asgjë nëse shfrytëzuesit nuk e vërtetojnë në praktikë. Për këtë arsye në aplikacionet më të reja i kemi përfshirë të gjitha përvojat tona pozitive nga e kaluara.

Ekstensione të shumta

Softueri themelor duhet të mundësojë praktikisht një numër të papërcaktuar të ekstensioneve (atributeve) të kontabilitetit, të cilat duhet ta mbulojnë strukturën organizative ekzistuese të ndërmarrjes, si dhe kërkesat shtesë që i nevojiten kontabilitetit për përkrahje dhe vendimmarrje (përveç ekstensioneve të rëndomta: vendi i shpenzimit, urdhëresa e punës… shfrytëzuesi mundet edhe vetë të bëjë përshtatjen e një numri të papërcaktuar të ektensioneve shtesë (agjenti, komercialisti, tregu, programi prodhues, ...).

Fleksibiliteti

Realiteti është se çdo ndërmarrje, përveç kërkesave të përgjithshme ka edhe kërkesa specifike të cilat e përkrahin organizimin në mjedisin e caktuar dhe të cilat mund të jenë përparësi konkurrente e asaj ndërmarrjeje. Softueri ynë është i konfigurueshëm, që do të thotë se është e mundur të bëhet konfigurimi i specifikave të shumta dhe mbindërtimi i nevojshëm i softuerit zakonisht është shumë më pak voluminoz se tek konkurrenca.

Integrueshmëria

Të gjitha aplikacionet tona funksionojnë si një aplikacion unik, të gjitha tabelat janë të përbashkëta, të gjitha evenimentet afariste regjistrohen vetëm njëherë, të gjitha regjistrimet janë automatike.

Hapshmëria e aplikacioneve

Shfrytëzuesit e autorizuar kanë mundësi:

• Nëpërmes ambientit ODBC t’u qasen të gjitha të dhënave në bazë (struktura e të dhënave është dhënë në dokumentacionin teknik)
• Në mënyrë të pavarur të përdorin mjetet për analiza menaxheriale
• Me përdorimin e funksioneve të caktuara për zgjerim, mund të përdorin shumë funksione shtesë për bartjen e të dhënave nga baza në Excel
• Të krijojnë regjistrime paralele (çdo regjistrim mund të shfaqet në numër të pacaktuar variantash)

Jetëgjatësia e të dhënave

Të gjitha aplikacionet janë të shkruara asisoj që në bazën themelore mund të jenë të ruajtur të dhënat për disa vite dhe kalimi në vitin e ri nuk kërkon intervenimin e stafit tonë.

Transferimi i të dhënave nga sistemi i vjetër

Kemi shumë përvojë në transferimin e të dhënave nga sisteme të ndryshme, si nga platformat tjera (IBM, Vax) ashtu edhe nga bazat e prodhuesve të tjerë në platformat PC. Tranferimi i të dhënave është projekt voluminoz, i dëshirueshëm është bashkëpunimi i prodhuesve të gjertanishëm të softuerit, e domosdoshme është qasja të dhënave të caktuar teknike (struktura e gjertanishme e të dhënave).

Përfshirja e informaticientëve të porositësit

Në rastet kur porositësi ka të punësuar informaticienë, është më se e dëshirueshme dhe e çmuar pjesëmarrja e tyre në të gjitha fazat e implementimit të sistemit të ri dhe atë në rastin e:

• Analizës së gjendjes
• Transferimit të të dhënave
• Kyçjes në sistem

Mund t’i përfshijmë ata edhe vetëm në mirëmbajtjen e sistemit të ri dhe atë para së gjithash:

• Në krijimin e raporteve të reja
• Në krijimin e analizave të reja në analizat menaxheriale
• Në administrimin e bazës së të dhënave
• Në instalimin dhe përdorimin e versioneve të reja

E ardhmja

Siç është thënë, arkitektura trishtresore me klientin adekuat tashmë është e aplikueshme në rrjet. Me mbindërtim të thjeshtë vetëm të funksionalitetit themelor, fitohet aplikacion i vërtetë Interneti, i cili mund të përdoret me cilindo shfletues. Është në pyetje funksionalitet i tillë i cili i siguron shfrytëzuesit siguri të lartë të investimit, me çka mundësohet që të gjitha kërkesat e mëtejshme në lidhje me funksionalitetit në Internet të realizohen me shumë më pak punë se sa në rastin e arkitekturës dyshtresore, sepse objektet në nivelin e dytë ngelin të pandryshuara.